Yaqa suqta chunka pichqayuq maqtakuna
Instituto Superior Tecnológico Víctor Álvarez Huapaya nisqampi, yachaqkuna
chaskirunku achka yachaykunata, willakuykunata, chay droga nisqan sasachakuykunamanta.
Kay yachachikuypin, kay qatun yachariytam puntaman aparichkan CEDRO nisqanwan,
kaypi promotorkuna qina llamkaqkunam maqtakunata yachachinqaku mana drogaman wichiykunankupaq.
Kay yachachikuy nisqanmi, apakurqa
San Juan Bautista distritupi, instituto Víctor Alvarez Huapaya sutiyuqpi. Kaypi
yachaqkunam umancharqaku, llapa sasachakuykuna droga apamuqmanta, kikin
yachaqpaq, kikin maqtakuna qinallataq llapallan llaqtapaq.
Ñañanchik Filomena Godoy Vargas, CEDRO
nisqampi llamkaq, promotora qina, nin kay capacitacionwan, yachariywan,
maskanku yachachiyta llapa jovenkunata ima allinmi derechukuna, kamachikuykuna
yupaychayqa. Kayna kaptinqa, qaripas, warmipas, qatumpas, taksapas allintañam
kawsakusun, aswanraq llapa jovenkuna, kay capacitacionkunata chaskiqkuna.
Kay yachachikuypi, mosokuna yachankuña
imayna mana niyta ima droga nisqampas asuykuptin utaq qawaykuptinpas. Paykunaqa
yachankuña lliw sasachakuykunamanta, kay droga nisqanwan chapukuptinqa.
Qinallataqmi nirqa kay drogawan
ima ruraypas achka ñakariytam apamun. Llapa pachapim wañuykuna kan, unquykuna
kan, chiqninakuypas kan qinataqmi ima sasachakuykunapas kan.
Kay rimaymantan, kay yachacahicuymanta,
ñañachaq Gladys Pérez Patiño, Instituto Tecnológico Víctor Álvarez Huapaya,
qatun yachaywasipi llamkariq, asistente social qina, nin ancha allinmi kay yachachikuykuna.
CEDRO institucionmi allinta llamkarichkan, aswanraq, maqtacuna yachachispa
llapa sasachakuykunamanta drogaman yaykuruspankuqa.
Kay yachachikuyta chaskiqkunam,
promotorkunata uyarispaku, ninku manam drogaman yaykuyqa, ñakariytam apamun,
llakitam apamun.
Kay yachachikuyta tukuriytam,
institutupi yachaq nirqa “Maqtakuna manam niniku droga nisqantaqa, yachanikuñam
llapa sasachaykuna apamuqta. Mañakuniku, qatun kamachikuqkunata, achka llamkariyta, llamkaptiykuqa tiempupas
pasarqunqa ratum, manaña chay droga nisqanta maskasaqkuñachu, manam nisaqku”.
No hay comentarios.:
Publicar un comentario